Prezident qarori Hukumatning daraxtlar ustidagi arrasini ötmas qildi
19-11-2025, 17:24
340 марта

Prezident qarori Hukumatning daraxtlar ustidagi arrasini ötmas qildi
2026 yil 1 martdan boşlab tabiatga zarar yetkaziş böyiça kompensatsiya tölovlaridan ozod qiliş tarzida imtiyoz beriş bilan boğliq barça qonunçilik hujjatlari va huquqiy kuçga ega körsatmalar öz kuçini yöqotgan, deb hisoblanadi hamda uşbu masalada imtiyoz beriş faqat qonun orqali amalga oşiriladi. Bu haqda Özbekiston Respublikasi Prezidenti Şavkat Mirziyoyev tomonidan bugun, 19 noyabr kuni imzolangan “Ekologiya va iqlim özgarişi milliy qömitasi faoliyatini taşkil etiş çora-tadbirlari töğrisida”gi qarorda söz borgan.Qayd etilişiça, endilikda ekologiya va atrof-muhitni muhofaza qiliş sohasidagi qonunçilik talablariga rioya qilişni istisno qiliş yoki rioya etmasdan ruxsat etiş xususiyatiga ega hujjatlarni beriş, şu jumladan, davlat ekologik ekspertizasi xulosasini beriş, daraxt va butalarni kesiş va köçirişni nazarda tutuvçi Hukumatning qaror, farmoyiş, bayonnoma va yozma topşiriqlarini hamda idoraviy hujjatlar, mahalliy ijro etuvçi hokimiyat organlarining hujjatlarini qabul qiliş qatiy taqiqlanadi.
Ekopolitsiya xodimlariga jismoniy kuç işlatiş, maxsus vositalarni (elektroşok qurilmalarini) va xizmat qurolini (rezina öqli, tör otuvçi) qöllaş huquqi beriladi hamda ularning maxsus kiyimiga bodi kameralar örnatiladi.
Qonunçilikka tegişli özgartirişlar kiritilgunga qadar Ekopolitsiya xodimlari tomonidan jismoniy kuç işlatiş, maxsus vositalar va xizmat qurolini qöllaş tartibiga Özbekiston Respublikasining “Içki işlar organlari töğrisida”gi Qonunida belgilangan asoslar va şartlar tatbiq etiladi.