Özbek–afğon çegarasida fuqarolar harakati tiklandi

Özbekiston va Afğonistonni boğlovçi Termiz–Hayraton köprigi orqali fuqarolarni ötkaziş punktlari yana faoliyatini boşladi. Endilikda ikki davlat örtasida yölovçilarning töğridan töğri va xavfsiz harakati taminlanadi. Şu bilan birga, amaldagi viza talabi öz kuçida qoladi.

Malumki, 2021-yildagi çeklovlar tadbirkorlarning Afğonistonga borişini ança murakkablaştirgan edi. Ayritomdan atigi 75 km uzoqlikda joylaşgan (1 soatlik yöl) Mozori Şarifga yetib boriş uçun ularga Tojikiston orqali bir kunlik aylanma yöldan foydalanişga töğri kelgan. Endi bu çeklovlar bekor qilinib, yöl yana oçildi.
Çegaradan ötiş tartibining tiklanişi eksport qiluvçi korxonalar uçun katta qulaylik yaratadi. Afğonistonga eksport hajmi sönggi yillarda barqaror ösmoqda va aynan uşbu yölning oçilişi bilan 2026-yilda eksportni 2,5 mlrd dollarga yetkaziş imkoniyati sezilarli oşadi. Davlat tadbirkorlarni Afğoniston bozoriga çiqişda quyidagi imtiyozlar bilan qöllab-quvvatlamoqda. Xususan:

• Hayraton yoki Mozori Şarifda ombor oçgan tadbirkorlar uçun omborni saqlaş bilan boğliq xarajatlar — 100 foiz qoplab beriladi.
• Mahsulotlarni Afğonistonning 34 viloyatida reklama qiliş xarajatlari — töliq kompensatsiya qilinadi.