Qirğizistonlik deputat Özbekiston guruçining dastidan yozğirdi
11-02-2026, 13:22
1 183 марта

Qirğizistonlik deputat Özbekiston guruçining dastidan yozğirdi
Qirğiziston parlamenti – Jogorku Keneş deputati Burun Amanova mamlakatda guruç qöşni Özbekistondan kotrabanda yöli bilan olib kelinayotgani sabab fermerlar kasodga uçrayotgani, raqobat qilolmayotganidan yozğirdi. U bu haqda parlament majlisida söz oçdi.
Uning sözlariga köra, Oq-Turpak tumani fermerlari unga murojaat qilib, mamlakatga Özbekistondan arzon narxlarda kontrabanda guruç kiritilayotganidan şikoyat qilgan.
“Ular çetdan keltirilgan guruç bilan raqobatlaşa olmayapti va şu sababli zarar körmoqda. Ularning aytişiça, olib kelinayotgan guruç Xitoydan ham bölişi mumkin ekan. Hukumat bu muammoni hal qiliş uçun qanday çoralar körmoqda?” , deya Hukumat vakiliga yuzlangan Burun Amanova.Vazirlar Mahkamasi raisining örinbosari – suv resurslari, qişloq xöjaligi va qayta işlaş sanoati vaziri Baqit Töroboyev guruç kontrabandasi haqida birinçi marta eşitayotganini aytgan.
“Çegaraçilar bilan gaplaşaman, şuningdek fitonazoratimiz bor, bu yönalişda çoralarni kuçaytiramiz. Bundan taşqari, yaqinda menga Özbekiston vaziri murojaat qilib, guruç yetişmovçiligi sababli bizdan 32 ming tonna guruç söraganini aytib ötmoqçiman. Men ularga bunday miqdordagi guruçni taminlay olmasligimizni aytdim”, deya qöşimça qilgan Baqit Töroboyev.