Özbekistonda iş yuritişda qoğoz sarfi qisqartiriladi

Özbekistonda qoğozsiz iş yuritişga ötiş jarayoni jadallaştiriladi. Bu haqda joriy yilning 18 mart kuni qabul qilingan “Respublika va mahalliy ijro etuvçi hokimiyat organlari faoliyatida iş jarayonlarini raqamlaştiriş doirasida qoğozdan foydalanişni tartibga soliş çora-tadbirlari töğrisida”gi hukumat qarorida söz boradi.

Qarorga köra, 2026 yil 1 iyunga qadar:

• işlatilgan qoğozlarni yiğiş uçun maxsus çiqindi quti (konteyner)lari taşkil etiladi va ularni qayta işlaş korxonalariga yetkaziş tizimi yölga qöyiladi;
• har bir tarkibiy bölinmadagi xodimlar soni, iş hajmi va haqiqiy ehtiyojdan kelib çiqqan holda, qoğoz sarfi uçun çeklov joriy qilinadi.

2026 yil 1 maydan respublika va mahalliy ijro etuvçi hokimiyat organlarida:

• kelgusi 5 yilda xarajatlar smetasini tuziş jarayonida qoğoz, siyoh, printer va nusxa köçiriş uskunalarini xarid qiliş xarajatlari miqdori har yili 15 foizga kamaytirilgan holda rejalaştiriladi;
• printerlardan markazlaşgan holda umumiy foydalaniş tizimi joriy qilinadi. Bunda umumiy foydalanişdagi oçiq ofisda faoliyat yurituvçi har 20 nafar xodim uçun 1 dona printer ajratiladi;
• har oyda 1 marotaba “Qoğozsiz bir kun” ekoaktsiyasi ötkaziladi.