Özbekiston musulmonlari idorasi hajga borişda firibgarlardan ogoh bölişga çaqirdi
12-04-2026, 19:38
91 марта

Özbekiston musulmonlari idorasi hajga borişda firibgarlardan ogoh bölişga çaqirdi
Qayd etilişiça, haj ibodatini taşkil etişga oid turli reklama va elonlarda haj safari, tölovlar va xizmatlar haqida asossiz hamda notöğri malumotlar tarqatilmoqda. Özbekistonda haj ibodatlarini taşkil etiş Din işlari böyiça qömita va Özbekiston musulmonlari idorasi zimmasiga yuklatilgan bölib, mazkur taşkilotlar Saudiya Arabistonidagi tegişli idoralar bilan rasmiy şartnomalar asosida ziyoratçilarga mehmonxona, transport, oziq-ovqat va boşqa xizmatlarni taşkil etadi hamda ularning xavfsiz va tölaqonli ibodat qilişini taminlaydi.
Özbekiston musulmonlari idorasi norasmiy yöllar bilan hajga boriş, Mino, Arafot va Muzdalifada ibodat qiliş imkoniyatini bermasligi hamda qonun buzilişi hisoblanişidan ogohlantirdi. Bunday harakatlar deportatsiya va katta miqdorda jarimaga sabab bölişi mumkin.
“Biz ziyoratingiz xavfsiz, ibodatingiz mukammal bölişini istaymiz. Şu bois, turli firibgarlarga uçmasdan, davlat kömagida taşkil etilayotgan rasmiy va işonçli haj safarini tanlaşni tavsiya etamiz. Ogoh böling, firibgarlarga aldanmang”, deyiladi xabarda.