Pokiston ham Özbekistonga yangi elçi tayinladi
Özbekiston Taşqi işlar vaziri Baxtiyor Saidov Pokiston Islom Respublikasining mamlakatdagi yangi tayinlangan Favqulodda va muxtor elçisi Muhammad Mudassir Tipuning işonç yorliqlari nusxalarini qabul qildi. Bu haqda vazir özining Telegram-kanalida yozib qoldirdi.
Qayd etilişiça, uçraşuvda Özbekiston va Pokiston örtasidagi strategik şeriklik munosabatlarini yanada mustahkamlaş hamda oliy darajada erişilgan kelişuvlarni izçil amalga oşiriş masalalari muhokama qilingan.
Tomonlar savdo-iqtisodiy va investitsiyaviy hamkorlikni kengaytiriş, Strategik hamkorlik kengaşi doirasidagi mexanizmlarni faollaştiriş, özaro savdo hajmini oşiriş hamda hududlararo aloqalarni rivojlantirişni ustuvor vazifalar sifatida qayd etgan.
Uçraşuv yakunida Baxtiyor Saidov yangi elçiga Özbekistondagi diplomatik faoliyatida muvaffaqiyat tilab, ikki davlat örtasidagi hamkorlikni yangi mazmun bilan boyitiş yölida yaqin va samarali hamkorlik qilişga tayyor ekanini bildirgan.
Eslatib ötamiz, bugun, 22 iyul kuni Qozoğiston Prezidenti Qosim-Jomart Töqayev farmoni bilan Yerali Tuğjanov Qozoğiston Respublikasining Özbekistondagi Favqulodda va Muxtor elçisi etib tayinlangan edi. Şuningdek, Özbekiston Taşqi işlar vaziri Baxtiyor Saidov Malayziyaning mamlakatdagi yangi tayinlangan Favqulodda va Muxtor elçisi Rafeda binti Abdul Azizning işonç yorliqlari nusxalarini qabul qilgandi.