JSST hantavirus köpayişi mumkinligidan ogohlantirdi

Jahon soğliqni saqlaş taşkiloti (JSST) hantavirus bilan kasallaniş holatlari ortişi mumkinligi haqida ogohlantirdi, Niderlandiyada esa ikkita yangi tasdiqlangan holat haqida xabar berildi. Bu haqda keça, 7 may kuni JSST rahbari Tedros Adanom Gebreyesus Jenevadagi matbuot anjumanida söz oçdi. 

“Hantavirus bilan boğliq beşta holat tasdiqlandi, yana uçtasi tekşirilmoqda. Ular orasida kruiz laynerining vafot etgan yölovçilari ham bor. Andes virusi (layner yölovçilarida tasdiqlangan variant) uçun inkubatsiya davri olti haftagaça davom etişini hisobga olsak, kasallaniş holatlari yana köpayişi mumkin”, deydi u.

Uning bayonotidan köp ötmay, Niderlandiyada MV Hondius kruiz layneridan evakuatsiya qilingan yana ikki kişida hantavirus taşxisi tasdiqlangani malum böldi.

“Bu pandemiyaning boşlanişi emas”, deydi JSSTning epidemiya va pandemiyalarga tayyorgarlik köriş va ularning oldini oliş bölimi direktori Mariya van Kerkxove. 

Taşkilotning hisoblaşiça, vahima qilişga asos yöq va hozirgi vaziyat olti yil oldingi koronavirus pandemiyasi davridagi holatdan farq qiladi.