AQŞda özbek qahvaxonalar tarmoği ustidan tergov boşlandi
AQŞ Adliya vazirligi isroilparast kongressmenga xizmat körsatişdan boş tortişini elon qilgan Nyu-Yorkdagi özbek qahvaxonalar tarmoğiga nisbatan fuqarolik huquqlari buzilişi böyiça tergov boşladi. Bu haqda “Al Jazeera” xabar berdi.
Adliya vazirligining fuqarolik huquqlari böyiça boş prokurori Xarmit Dhillonning malum qilişiça, u özbek madaniyatidan ilhomlanib taşkil qilingan kiçik “Poetica Coffee” qahvaxonalar tarmoğiga nisbatan tergovni boşlaşga buyruq bergan. Bunga sabab qilib esa qahvaxona isroilparast kongressmen – AQŞ Vakillar palatasi azosi Den Goldmanga xizmat körsatişdan boş tortganini keltirgan.
“Bunday harakatlar nafaqat qoralanişga loyiq, balki potentsial ravişda qonunga ziddir. Fuqarolik huquqlari departamenti tergov boşladi va agar asoslar topilsa, qonuniy çoralar köradi”, deb yozdi AQŞ Prezidenti Donald Tramp tomonidan tayinlangan Dhillon özining X tarmoğidagi sahifasida.
Bruklin va Ist-Villijda yettita filialiga ega bölgan “Poetica Coffee” noroziliklarga sabab bölayotgan izohlarni ijtimoiy tarmoqlarda joriy yilning 21 iyun kuni Goldman qizi bilan birgalikda qahvaxonalardan biriga taşrif buyurganidan keyin qoldirgan.

“Bugun qahva içiş uçun dökonimizga kirganingizni kördik”, deyiladi “Poetica Coffee”ning Facebook va Instagram'dagi postlarida.
Postga Goldmanning Bruklindagi Lorimer köçasida joylaşgan filialda tuşgan surati ham ilova qilingan.
“Uning tami genotsid şarbatiga öxşamasligini sezdingizmi? Yoki haliyam farqiga borişga qiynalyapsizmi? Qarang, biz bu yerda – “Poetica”da irqçilar, faşistlar, gomofoblar, genotsidga yöl oçib beruvçilar yoki şular orasidagi heç kimga xizmat körsatmaymiz. Sizni darrov tanimaganimiz yomon böldi, aks holda sizni içkariga qöymay, qaytarib yuborgan bölardik”, deyiladi “Poetica Coffee” izohida.
“Poetica Coffee” Goldmanning uşbu filialda sarflagan 9,82 dollar pulini qaytarib berganini va u boşqa heç qaçon qaytib kelmasligi kerakligini qöşimça qilgan. Qahvaxona asosçisi Parviz Muhammadqulov “Al Jazeera”ning holat böyiça sörovlariga hali javob bermagan.
Biroq nyu-yorklik kongressmenning özi qahvaxonalar tarmoği ustidan tergov olib borilişi kerak emas deb hisoblaşini aytgan.
“Mendan farqli ölaroq, öz minbariga ega bölmagan va saylangan rasmiy şaxs bölmagan oddiy odamlarga nisbatan qilinayotgan antisemitizmni (yahudiylarga qarşi nafratni) tergov qilişga öz vaqtlari va resurslarini sarflaşlarini afzal körgan bölardim”, deydi u.
Adliya vazirligi “Poetica Coffee”ga nisbatan qanday huquqiy asosda çora körişi hozirça noaniq.
AQŞ federal va Nyu-York ştati qonunçiligi korxonalarga irqi, dini, jinsi va milliy kelib çiqişi kabi himoyalangan belgilar asosida xizmat körsatişni rad etişni taqiqlasa-da, bu himoya siyosiy qaraşlar yoki mafkuraga nisbatan tatbiq etilmaydi.
Goldman Demokratik partiya içida Isroilning faol tarafdori sifatida tanilgan va özini uşbu mamlakatning “faxrli sionisti va sodiq qöllab-quvvatlovçisi” deb tariflaydi.

Isroilning aşaddiy tanqidçisi Bred Lander tomonidan praymerizda (partiya içidagi saylovda) jiddiy raqobatga duç kelayotgan Goldman joriy saylov tsiklida isroilparast nomzodlarni qöllab-quvvatlovçi Amerika-Isroil jamoatçilik bilan aloqalar qömitasi (AIPAC) va unga aloqador guruhlardan qariyb 195 000 dollar miqdorida saylov kampaniyasi uçun xayriya mablağlari olgan.
Goldman Isroilning Ğazoda genotsid sodir etayotganini inkor qilib keladi, garçi u anklavdagi vaziyatni “dahşatli” deb atagan va u yerda harbiy harakatlarni töxtatişga çaqirgan bölsa-da.
Şuningdek, u Isroil Boş vaziri Binyamin Netanyaxuni ham keskin tanqid qilib, uning hukumatini “ekstremistik” deb atagan va bosib olingan Iordan daryosining Ğarbiy Sohilida yahudiy turar joylari kengaytirilişiga qarşiligini bildirgan.