Latviya Boş vaziri Andris Kulbergs Rossiya bilan boğliq özbek milliarderi Alişer Usmonov va rossiyalik milliarder Mixail Fridmanga nisbatan Yevropa Ittifoqi sanktsiyalarini bekor qiliş evaziga boşqa minglab şaxs va kompaniyalarga qöyilgan çeklovlarni uzaytiriş böyiça taklifni rad etdi. Bu haqda Kulbergs keça, 21 sentyabr kuni keçqurun X ijtimoiy tarmoğida malum qildi.

Taklifga köra, Usmonov va Fridmanga nisbatan sanktsiyalar bekor qilinadi, biroq Rossiya bilan boğliq qariyb 3 ming nafar şaxs va taşkilotga qarşi çeklovlar yana uç yilga uzaytiriladi.

Rossiyaning Ukrainaga qarşi uruşi sabab joriy etilgan sanktsiyalar aktivlarni muzlatiş va safar taqiqlarini öz içiga oladi. Ularning amalda böliş muddati Yevropa Ittifoqining 27 azo davlati bir ovozdan uzaytirişga qaror qilmasa, bugun, 22 sentyabr kuni yarim tunda tugaydi.

“Sanktsiyalarni 36 oyga uzaytiriş töğri qadam bölar edi. Biroq buning evaziga tölanadigan narx har ikki şaxsni sanktsiyalar röyxatidan çiqariş bölmasligi kerak. Latviya bunday taklifni qabul qila olmaydi”, deb yozgan Kulbergs.

Frantsiya şu oyda Yevropa Ittifoqidagi bir qator hamkorlari va Ukraina noroziligiga qaramay, rossiyalik özbek tadbirkor Alişer Usmonovga nisbatan sanktsiyalarni bekor qiliş taşabbusini ilgari surgandi. Diplomatlar malum qilişiça, Slovakiya ham bu taklifni qöllab-quvvatlagan, Lyuksemburg esa rossiyalik Mixail Fridmanga nisbatan ham xuddi şunday çora körişni talab qilgan.

Diplomatlarning “Reuters” agentligiga aytişiça, Frantsiya bunday qadamni Ozarbayjon tomonidan bosim bölgani haqidagi bayonotlardan keyin taşlagan. Ozarbayjon esa bu davolarni rad etgandi.

Usmonov va Fridman özlariga nisbatan qöyilgan sanktsiyalarni bahs ostiga olgan hamda ularni bekor qiliş maqsadida huquqiy çoralar körgan.

Qayd etilişiça, Fridman Lyuksemburgdan 16 milliard dollar talab qilmoqda. Bu iş arbitrajga berilgan. Yevropa Ittifoqi diplomatlariga köra, Lyuksemburg Usmonovga nisbatan sanktsiyalar bekor qilinsa, Fridmanga qarşi Yevropa Ittifoqi sanktsiyalarini saqlab qoliş böyiça öz pozitsiyasi zaiflaşişi mumkinligini bildirgan.

Latviya Boş vaziri Kulbergs mazkur masalani muhokama qiliş uçun 22 sentyabr kuni hukumatning şoşilinç yiğilişini çaqirişini aytgan. U Latviya Bryussel va Parij bilan “Latviya manfaatlariga mos yeçim topiş” uçun hamkorlik qilişini yozgan.

Yevropa Ittifoqiga azo davlatlar elçilari sanktsiyalar masalasidagi bosiq holatni bartaraf etiş maqsadida muzokaralarni qayta boşlaşi kutilmoqda.