Gonkongdagi yonğinda halok bölganlar soni 100 ga yaqinlaşdi
 
Gonkongdagi Wang Fuk Court turarjoy majmuasida sodir bölgan yirik yonğinda halok bölganlar soni qariyb 100 nafarga yetdi. Hozirga kelib 94 kişining ölimi tasdiqlandi. Bu haqda “Associated Press” xabar berdi.

Naşrning yozişiça, yonğin xavfsizligi xizmati rasmiy ravişda 94 kişi vafot etganini tasdiqlagan.
Bu Gonkongda sönggi 17 yildagi eng kuçli va eng köp qurbonlar bilan yakunlangan yonğin ekani qayd etilgan.
Bu orada “Bild” gazetasi turarjoy majmuasidagi fojianing sababi bambukdan yasalgan quriliş rusumidagi iskala (lesa)ga taşlab yuborilgan sigareta bölişi mumkinligini yozdi. 

Wang Fuk Court majmuasida kvartirasi bor bölgan Kiko Ma naşrga bergan intervyusida tamirlaş işlari sababli uning kvartiradagi derazalari bir yildan oşiq vaqt davomida penopolistirol bilan yopilganini aytgan.

Rasmiylarga köra, bu ham olovning tez tarqalişiga yordam bergan. Kikoning aytişiça, bazida deraza yonida sigareta qoldiqlari topilgan, ularni quruvçilar taşlagan bölişi mumkin.
Ammo ulkan turarjoy majmuasidagi muammolar röyxati buning bilan tugamaydi. Bazi yonğin signalizatsiyalari tamir vaqtida öçirib qöyilgan edi, çunki quruvçilar binoga kiriş-çiqiş uçun yonğin zinapoyalaridan muntazam foydalanib turgan.