Kanadadagi maktabda ham otişma: önlab odamlar halok böldi

Kanadaning Britaniya Kolumbiyasi provintsiyasidagi Tumbler-Rij şahri örta maktabida sodir bölgan otişma oqibatida kamida 10 kişi halok böldi, jumladan hujumçi ham. Bu haqda “Global News” xabar berdi.

Voqea joyiga yetib kelgan politsiya xodimlari maktab binosida olti nafar halok bölgan şaxsni aniqlagan, yana bir jabrlanuvçi şifoxonaga olib ketilayotganida vafot etgan. CBS xabariga köra, hodisa bilan boğliq deb taxmin qilinayotgan boşqa joydan yana ikki nafar halok bölgan şaxs topilgan. Gumonlanuvçi hujumçi jarohatlar bilan ölik holda aniqlangan, politsiya malumotiga köra, bu jarohatlar öziga özi yetkazilgan bölişi mumkin.

Hayot uçun xavfli oğir jarohat olgan ikki kişi vertolyot orqali şifoxonaga yetkazilgan. Yana qariyb 25 kişi mahalliy tibbiyot markazida jarohatlar bor-yöqligi böyiça tekşiruvdan ötkazilmoqda.
Hujumçi haqida dastlabki xabarda gumonlanuvçi jigarrang soçli, köylak kiygan ayol sifatida tasvirlangan. Keyinçalik politsiya boşqa gumonlanuvçilar yöqligini bildirgan. Huquq-tartibot organlari jabrlanganlarni aniqlaş işlarini davom ettirmoqda.

Tumbler-Rij örta maktabida 7–12-sinflarda tahsil oluvçi taxminan 170 nafar öquvçi bor. Maktabdan bir kilometrdan kam masofada boşlanğiç maktab joylaşgan. Xabarga köra, har ikki talim muassasasi hafta oxirigaça yopilgan. Mahalliy tibbiyot markazida ham taşriflar çeklangan.