Urgançda yöl yoqasidagi “bekat-dökon”lar: ularni orqaroq köçiriş vaqti kelmadimi?
19-01-2026, 15:44
937 марта
Urgançda yöl yoqasidagi “bekat-dökon”lar: ularni orqaroq köçiriş vaqti kelmadimi?Urganç şahrida yöl infratuzilmasi yildan-yilga kengayib, transport harakati jadallaşib bormoqda. Ammo ayrim nuqtalarda hali ham eskiça yondaşuv saqlanib qolgani xavotir uyğotadi. Ayniqsa, şaharning asosiy köçalari böylab joylaşgan, “bekat” nomini olgan savdo dökonlari bugun nafaqat noqulaylik, balki jiddiy xavf manbaiga aylanmoqda.
Yölga juda yaqin qurilgan uşbu dökonlar transport harakati va piyodalar xavfsizligiga salbiy tasir körsatmoqda. Ayrim joylarda avtomobillar yuqori tezlikda dökon yonidan ötib ketadi. Eng taşvişli jihati — yöl bilan dökon örtasida heç qanday himoya tösiği, yaşil hudud yoki xavfsiz masofa mavjud emas.
Bekatda turgan piyodalar, xarid uçun töxtagan fuqarolar, ayniqsa bolalar va keksalar har kuni katta xavf ostida qolmoqda. Bir qadam notöğri taşlansa, oqibati qayğuli bölişi mumkin. Bugun kuzatilgan holatlar esa bu xavotirlar asossiz emasligini yana bir bor körsatdi.
Mutaxassislar takidlaşiça, zamonaviy şaharsozlik qoidalariga köra, yöl yoqasida joylaşgan savdo obektlari transport oqimidan malum masofada, xavfsiz zonada bölişi şart. Köpgina mamlakatlarda bunday dökonlar yöldan orqaroqqa köçirilgan, bekatlar esa alohida, xavfsiz hududlarda taşkil etilgan.
Urganç şahrida ham barça yöl yoqasidagi dökonlarni qayta joylaştiriş, ularni orqaroqqa suriş masalasini jiddiy körib çiqiş vaqti kelganga öxşaydi. Bu nafaqat tartib, balki inson hayoti va xavfsizligi masalasidir.
Şahar obodonçiligi faqat çiroyli köriniş emas, avvalo xavfsiz muhit yaratişdir. Bekat-dökonlar masalasi ham aynan şu nuqtai nazardan qayta körib çiqilişi kerak.