Portugaliya terma jamoasi hujumçisi Kriştianu Ronaldu yaqin vaqt içida öz kelajagi borasida qaror qabul qilişini malum qildi. Bu haqda u Jahon çempionati 1/8 finalida Ispaniyaga qarşi uçraşuvdan (0:1) söng gapirdi.

Keça, 6 iyul kuni bölib ötgan bahsda Portugaliya Ispaniyaga 0:1 hisobida mağlub bölib, musobaqa bilan xayrlaşdi. Uçraşuv arafasida 41 yoşli Ronaldu uşbu Jahon çempionati uning faoliyatidagi sönggi mundial bölişini malum qilgan edi. Uning Saudiya Arabistonining “Al-Nasr” klubi bilan amaldagi şartnomasi yana bir yilga möljallangan.

“Rostini aytsam, bu mening sönggi Jahon çempionatim edi. Qolgan masalalar böyiça esa öylab köriş, oilam bilan vaqt ötkaziş va şoşma-şoşarlik bilan qaror qabul qilmaslik uçun imkoniyatim bor”, deydi Ronaldu.

U Portugaliyaning musobaqani erta tark etganidan afsusda ekanini ham yaşirmadi.

“Albatta, Jahon çempionatini şunday tarzda yakunlaganimdan xafaman. Lekin matbuot anjumanida ham aytganimdek, maydonda bor kuçimni sarfladim. Qölimdan kelgan barça işni qildim va vijdonim toza. Bu futbol. Futbolçining hayoti şunday: bazan ğalaba qozonasiz, bazan mağlub bölasiz. Eng muhimi, oldinga intilişda davom etiş”, deydi portugaliyalik futbolçi.

Malumot uçun, Kriştianu Ronaldu faoliyati davomida beş marta Çempionlar ligasi, bir marta Yevropa çempionati va ikki marta UEFA Millatlar ligasida ğolib çiqqan. Şuningdek, u milliy jamoalar safida, Yevropa çempionatlari, Çempionlar ligasi hamda Klublar örtasidagi jahon çempionati tarixida eng köp gol urgan futbolçi hisoblanadi.

Ronaldu 2022 yil dekabridan buyon Saudiya Arabistonining “Al-Nasr” klubida töp surmoqda. Faoliyati davomida u Portugaliyaning “Sporting”, Angliyaning “Mançester Yunayted”, Ispaniyaning “Real Madrid” va Italiyaning “Yuventus” klublari şarafini ham himoya qilgan.