Jinoiy işni “bosdi-bosdi” qilmoqçi bölgan inspektor uşlandi

Toşkent viloyatining Çirçiq şahrida fuqaroga yetkazilgan tan jarohati böyiça işni “bosdi-bosdi” qilmoqçi bölgan profilaktika inspektori qölga tuşdi. Bu haqda Davlat xavfsizlik xizmati xabar berdi.

Qayd etilişiça, Çirçiq şahar Içki işlar boşqarmasi profilaktika inspektori joriy yil fevral oyida 1990 yilda tuğilgan I.Saidov yetakçiligidagi jinoiy guruh tomonidan 1994 yilda tuğilgan fuqaroga yetkazilgan tan jarohati böyiça holatni “bosdi-bosdi” qilib beriş evaziga undan olgan 2700 AQŞ dollaridan muqaddam 1000 dollarini jabrlanuvçiga bergan.
 
Davlat xavfsizlik xizmatining Toşkent viloyati böyiça boşqarmasi xodimlari tomonidan ötkazilgan tezkor tadbirda profilaktika inspektori jabrlanuvçiga 300 AQŞ dollari bergan vaqtida aşyoviy dalillar bilan uşlangan.

Hozirda unga nisbatan jinoyat işi qözğatilib, tergov harakatlari olib borilmoqda.

Şuningdek, profilaktika inspektorining mazkur noqonuniy harakatiga aloqador bölgan hamkasbini ham jinoyat işiga jalb qiliş çoralari körilmoqda.