Özbekistonda 5 oyda qariyb 61 ta kriminal töda uşlandi 

Özbekistonda joriy yilning dastlabki 5 oyi davomida ötkazilgan tezkor tadbirlar davomida 61 ta uyuşgan jinoiy tödalar qölga olingan. Bu haqda Içki işlar vazirligi xabar berdi. 
​
Malum qilinişiça, huquqni muhofaza qiluvçi organlar tomonidan joriy yilning yanvar-may oylarida kriminogen vaziyatni yaxşilaş yuzasidan amalga oşirilgan tezkor profilaktik tadbirlar davomida uyuşgan jinoyatçilik yönalişida 4325 ta jinoiy holatlar aniqlangan. Unda jami aniqlangan guruhlar soni 195 tani taşkil etib, 61 ta uyuşgan jinoiy guruhning noqonuniy faoliyati töxtatilgan. 
Tezkor tadbirlarda beş oy davomida 244 ta tovlamaçilik, 459 ta noqonuniy qurol bilan boğliq, 48 ta talonçilik, 170 ta qimorxona taşkil etiş bilan boğliq, 89 ta odam savdosi, 181 ta orttirilgan immunitet virusi infektsiyasini tarqatiş, 959 ta fohişaxona saqlaş va 3607 ta boşqa jinoiy holatlar aniqlangan. Şu bilan birga, qidiruvda bölgan 1334 nafar şaxs uşlangan. 

Qayd etilişiça, uyuşgan jinoyatçilikka qarşi kuraş yönalişida qurol bilan ham boğliq 459 ta jinoyat işlari qözğatilib, natijada 541 ta qurollar rasmiylaştirib olingan. 236 ta silliq stvolli va 252 ta pnevmatik qurol, 50 ta qölbola usulda yasalgan qurol, 7441 ta öqdori, 4126 gramm portlovçi moddalar aşyoviy dalil sifatida olingan. 

Olib borilgan tezkor tadbirlar davomida 8653 ta sovuq qurol olingan bölib, ularning 284 tasi bita, 222 tasi kastet, 7137 ta ötkir tiğli jismlar va 1010 ta boşqa turdagi sovuq qurollarni taşkil etgan. Tarğibot tadbirlari natijasida 842 ta turli xildagi qurollar ixtiyoriy ravişda topşirilgan.