Sirdaryoda Rossiyadagi harbiy harakatlarda qatnaşgan erkak sudlandi

Özbekistonlik erkak Rossiyada böliş qoidalarini buzganlik uçun jinoiy javobgarlikdan qörqib, Rossiya Mudofaa vazirligi bilan şartnoma imzolagan. Bir neça oy davomida u pozitsiyalarni uşlab turiş, halok bölganlarning jasadlarini yiğiş, hududni muhandislik jihozlaş vazifalarini bajargan va otişmalarda qatnaşgan.

Jinoyat işlari böyiça Sirdaryo sudida yollanganlikda ayblangan fuqaroga nisbatan iş körib çiqildi.

Iş hujjatlaridan malum bölişiça, 2024 yil dekabr oyida erkak pul topiş maqsadida Rossiyaga borgan. Vaqt ötib, u Rossiya Federatsiyasi hududida noqonuniy bölgani uçun politsiya xodimlari tomonidan hibsga olingan. Jinoiy javobgarlikka tortiliş va deportatsiya qilinişdan qörqib, u harbiy xizmatni ötaş uçun şartnoma imzolagan.

2025 yil aprel oyida özbekistonlik erkak Rossiya Federatsiyasi Mudofaa vazirligining harbiy qismlaridan biriga qabul qilingan va Ukraina hududidagi jangovar harakatlar zonasiga yuborilgan. Unga qurol-yaroğ, harbiy anjomlar va aloqa vositalari berilgan. Jangovar harakatlar paytida u yaralangan va Rossiya hududidagi harbiy gospitallarda davolangan.

2025 yil iyul oyida erkak Özbekistonga qaytib kelgan va u yerda huquq-tartibot idoralari tomonidan qölga olingan. Uning uyali telefonini tekşiriş va közdan keçiriş jarayonida jangovar harakatlarda iştirok etgani va xorijiy davlatlar qurolli kuçlari tarkibida bölganini tasdiqlovçi foto va videomateriallar aniqlangan.

Sud majlisida ayblanuvçi öz aybiga töliq iqror böldi va qilgan işidan puşaymon bölganini bildirdi. Sud uning harakatlarini JKning 154-moddasi 1-qismi (yollaniş) bilan kvalifikatsiya qilib, bir qator çeklovlarni belgilagan holda uç yil muddatga ozodlikni çeklaş jazosini tayinladi.